Mtonga Isaac Pharmacy Online

-->
Skip to main contentMtonga Isaac Pharmacy is Health and Medical facility that manufacture Herbal medicines at Traditional level and provides treatment to so many kinds of diseases. This Health facility is based on Herbal medicines rather than Drugs to maintain good health. It is branded by Dr. Mtonga N. Isaac (Herbalist) in Lusaka capital city of Zambia, African region. This business name was registered on 23rd March, 2022 according to Act No: 16 of 2011 of the Laws of Zambia.
Mwambi wakuletsa kuyankhira nkhani za eni ache.
Akulu ponena mlandu amakonda kwambiri kuphiphiritsa nkhani zao, ndipo wina akaulula chinsinsi chao amamlekera kuti aweruze ndiye.
Iwo amangofuna kuti akaphiphiritse pakuona kuchita manyazi akumvawo kapena kuti oweruzidwawo azindikire okha nasiye chimene awatsutsacho.
Mwambiwu uli ndi nthano yache ndiyo:
*Kale-kale namnthambwe, timba ndi mbalame zina zinali zakupha nyama ndi maukonde ao. Namnthambwe, timba ndi mbalame zina zinali zodikira maukonde.
Mwa mbalame zonse woponya uta kwambiri anali timba; akaponya mubvi wache wosagwera m'dothi. Masiku onse namnthambwe analikukhalira ukonde umodzi ndi timba.
Iwo onse atapita ku uzimba, mbalame zina zinanka kukasaka ndipo inabvumbuluka nyama nikodwa mu ukonde wa namnthambwe ndi timba. Timba anaponya mubvi nairasa nati mau apansi, "Atate!"
Pakumva namnthambwe anapfuula ndi mau okweza (adziti walasa ndiye)
"Namnthambwe! Namnthambwe! Namnthambwe!"
Pakumva mbalame zina zinakhulupirira kuti ndiye walasa, pofika kufunsa zapeza nyama iri gone!
Timba kulephera kunenetsa kuti ndalasa ndine, koma mbalamezo zinati, "Ife tamva dzina la Namnthambwe si Timba ai."
Machitidwe oterewa anachitidwa pa uzimba uliwonse, koma Timba sanamve bwino m'mtima mwache nayesa-yesa njira yakumuletsera Namnthambwe mkhalidwe woterewo.
Tsiku lina anapanga malango kuti Namnthambwe atenge mlandu. Mbalame zonse zitapangana kunka kuuzimba Namnthambwe ndi Timba anakhalira ukonde umodzi monga mwa masiku onse.
Tsiku limenelo nyama itabvumbuluka Timba m'malo molasa nyama, analasa mmodzi wa odikira nati chimodzi-modzi mau apansi monga mwamasiku onse, "Atate!"
Namnthambwe pakumva anachita mwa masiku onse napfuula,
"Namnthambwe! Namnthambwe! Namnthambwe!"
Zitabwera mbalame zonse zinati, "Kodi nyama imene unkanenererayo ndi imeneyi?"
Iye analephera kukana nayesa kutulira mlanduwo pa Timba koma izo zinachitira umboni ndi kuti, "Walasa mnzathu ndiwe chifukwa tamva mau ako."
Pompo zinamgwira ndi kumupha.
*Mwambi umenewu ukumbutsa kuti anthu ambiri amalowa m'zobvuta chifukwa chakuulula-ulula zinsinsi zaeni, natengedwa pa mlandu, mwina kulangidwa opanda kuchimwa koma chifukwa cha mau okha, monga namnthambwe uja.
KONKHANI MIYAMBI YINA MUSIMU
________________________________________________________________
Contact us:
Mtonga Isaac Pharmacy,
Ng'ombe Township,
#16/24 Off Zambezi road,
Email: mtongaisaacpharmacy@gmail.com,
Tel: +260974272433/+260966399444,
Lusaka, Zambia .